បើចង់ឲ្យកូន ស្តាប់ ហើយធ្វើតាមអ្នកនិយាយ សូមធ្វើតាម ១១ ចំណុចខាងក្រោម
សំដីរបស់អ្នក ពេលនិយាយជាមួយកូន ពេលខ្លះ ដូចចាក់ទឹក នៅលើក្បាលទាអឺចឹង គឺថាគេមិនស្តាប់ ហើយថែមទាំឌឺទៀត។ ខាងក្រោមនេះ គឺជាគន្លឹះដ៏មានប្រយោជន៍មួយចំនួន ដើម្បីនិយាយទៅ អាចធ្វើឲ្យកូនធ្វើតាមអ្នក៖
១. ធ្វើខ្លួនឲ្យជិតស្និទ្ធ ជាមួយនឹងកូន មានន័យថា នៅក្បែរកូនឲ្យបានច្រើន ២. ដឹងពីកម្រិត អាយុ និងភាពចេះដឹងរបស់គេ ទើបអ្នកអាចពន្យល់គេបានល្អ ៣. ថ្នម និងប្រើពាក្យសំដីទន់ភ្លន់ ដើម្បីនិយាយជាមួយកូន ៤. ប្រើបាស់ទឹកមុខ និងកាយវិការបន្ថែម ដើម្បីឲ្យគេយល់កាន់តែច្បាស់ ពីសារៈសំខាន់ នៃពាក្យសំដីរបស់អ្នក ៥. ស្ងប់ចិត្ត ពេលកូនមិនធ្វើតាម មិនត្រូវជេរ ឬវាយគេឡើយ ៦. ផ្តល់ជម្រើសឲ្យបានច្រើន សម្រាប់គេជ្រើសរើស ៧. កុំប្រើអារម្មណ៍ច្រើនពេក ពេលនិយាយជាមួយកូន ៨. ប្រើពាក្យសំដីខ្លីៗ តែន័យចំគោលដៅ ៩. ប្រាប់ពីអ្វី ដែលកូនរបស់អ្នកអាចធ្វើបាន នោះយូរទៅ គេនឹងធ្វើតាមអ្នក ១០. លើកទឹកចិត្តកូន ដោយនិយាយថា តោះ! កូនតោះ! ១១. ធ្វើជាគម្រូល្អសម្រាប់កូន៕
