រូបភាពប្រជុំផ្សព្វផ្សាយការកសាងឯកសារតេស្ដប្រចាំសប្ដាហ៍នៅកម្រងបឋមសិក្សា ល្វា

ដើម្បីលើកកម្ពស់គុណភាពអប់រំ នៅតាមសាលាបឋមសិក្សា និងដើម្បីជម្រុញសាលាបឋមសិក្សាទាំងអស់ឱ្យក្លាយជាសាលាកុមារមេត្រី ស្ថិតនៅក្នុងគោលដៅអប់រំជាតិ យើងខ្ញុំបានប្រឹងប្រែងជួយគ្រប់ផ្នែក ទាំងបច្ចេកទេស និងការគ្រប់គ្រង ដឹកនាំ សាលារៀនឱ្យឈានទៅរកការអភិវឌ្ឍ ទៅតាមបរិបទសង្គម និងទីផ្សារការងារក្នុងតំបន់អាស៊ាន។ ការិយាល័យអប់រំ យុវជន និងកីឡាស្រុកព្រៃឈរ បានចុះទៅផ្សព្វផ្សាយដល់កម្រងសាលាបឋមសិក្សានីមួយៗ ស្ដីពីការធ្វើយ៉ាងណាដើម្បីឈានទៅដល់ចំណុចដៅទាំងនោះ។ ខាងក្រោមនេះជាសកម្មភាពចុះប្រជុំផ្សព្វផ្សាយការកសាងឯកសារតេស្ដប្រចាំសប្ដាហ៍នៅក្នុងកម្រងបឋមសិក្សា ល្វា ជាកម្រងមួយក្នុងចំណោមកម្រងបឋមសិក្សាទាំង៦ នៅក្នុងស្រុកព្រៃឈរ។