U22 កម្ពុជា បើកឆាកពាន KBZ Bank ចាញ់ក្រុមម្ចាស់ផ្ទះមីយ៉ាន់ម៉ា ៤-១
ក្រុមបាល់ទាត់ជម្រើសជាតិក្រោមអាយុ២២ឆ្នាំ បានបរាជ័យក្នុងប្រកួតបើកឆាកដំបូងរបស់ខ្លួន ដោយចាញ់ក្រុមម្ចាស់ U22 ផ្ទះមីយ៉ាន់ម៉ា ក្នុងលទ្ធផល ៤-១ នៃពានរង្វាន់ KBZ Bank Cup 2017។
នៅតង់ទីមួយ ក្រុមកម្ពុជាមានឱកាសដែរ ប៉ុន្តែធ្វើមិនបានសម្រេចនោះទេ បែរជាត្រូវក្រុមម្ចាស់ផ្ទះរកគ្រាប់បាល់បានទៅវិញ។ កីឡាករពាក់អាវលេខ៩របស់មីយ៉ាន់ម៉ា Aung Thu ពិតជាធ្វើបានល្អមែនទែន ដោយរកបាន២គ្រាប់ម្នាក់ឯងតែម្ដងនៅតង់ទី១នេះ។ ចូលដល់តង់ទី២វិញ គ្រាន់តែបើកឆាកភ្លាម ច្រឹង ពលរដ្ឋបានស៊ុតបាល់ពិន័យពីចម្ងាយចូលទីយ៉ាងស្អាត ដើម្បីឱ្យកម្ពុជា ប្រដេញគ្រាប់បាល់វិញ ប៉ុន្តែមិនបានប៉ុន្មាននាទីផង កីឡាកររបស់មីយ៉ាន់ម៉ាបន្ថែមបាន២គ្រាប់វិញភ្លាមៗ ធ្វើឱ្យលទ្ធផលម្ចាស់ផ្ទះបន្ដនាំមុខ ៤-១។ ចប់ការប្រកួត U22 មីយ៉ាន់ម៉ា យកឈ្នះ U22 កម្ពុជាក្នុងលទ្ធផល ៤-១។ ប្រកួតបន្ទាប់របស់ក្រុមកម្ពុជា គឺថ្ងៃទី៣០ ខែមិថុនា ប៉ះក្រុម U22 ជប៉ុន (សាកលវិទ្យាល័យ) ថ្ងៃទី២ ខែកក្កដា ប៉ះ U22 ហុងកុង៕
ប្រភពពី : sabay
